Samah Safwat

أكتب .. لماذا أكتب ؟!! أكتب لأسجل تأففي وتذمري وحنقي على العالم أجمع .. لو بيدى لقتلت الجميع وتخلصت من قذاراتهم .. لعشت وحيدة في عالم لا يعرف أي حقارة لانتزعت عهر الحكام وضعف المحكومين .. لمزقت كل ثرثار وجردت الحقائق من الزيف أكتب ولاتسعفني الكلمات .. ولا تكفيني السطور أكتب لأعبر عن الحقد والكراهية .. فالكره وصل حدا لا يطاق ولا يوصف إلا بأقذر الشتائم .. سأكتفي بالبوح لنفسى .. فحتى الكتابة لن تريحني

أين الإنسانية قلبي ينتفض من البؤس والحزن .. اكتفيت واكتفت نفسيتي من الأحزان لقد زاد الألم وفاض .. زادت المآسي بشكل غير عادي , زاد العنف والترهيب .. زادت العنصرية والطائفية , سيطرت الكراهية على الأجواء انطفئت أنوار روحي واعتصر قلبي الألم .. لما كل هذا .. أما عاد للإنسانية مكان ؟ !! أين الإنسانية ؟ !

يا طريقي ..  يا رفيقي امضي بي ولملم مابقي مني  امضي يا طريقي وانتهي كما تنتهي الحياة   

حروفى تنساب .. كلماتى تتسرسب منى , أفكارى تغط فى النوم وتضيع معالمى .. تتوه المعانى وتفنى الحياة , يدركنى الصمت فأمتنع عن الكلام .. ألزم عُزلتى وأنزوى عن العالم الواقعى , أنطلق إلى عالم خفى لا يدركه عقل البشر ولا تتسلل إليه شرورهم . شردت كلماتى وتاهت حروفى منى .. فقد ت الكلمات معانيها وفى النهاية استسلمت روحى لمتاهات عقلى وضلالات الواقع المظلمة ..

الحق.. العدالة ..  الحرية .. الحقيقة ..  الواقع .. المستقبل ..  اﻷمل .. الحلم .. الحياة ... ﻻشىء سوى المجهول  ! أصبحت الكلمات بلا معنى ..

مش فارقة ... مش فارقة كتير !! مش فارقة حتمشي في أي سكة مش فارقة كتير فمهما طولت المشاوير .. حتوصل لنفس النهاية مش فارقة كتير حاول واسعى ودَوَر وامشي كل يوم في سكة .. برضه مش فارقة مش حتختلف النهاية هي في النهاية حفرة حتدفن فيها نفسك حتدفن عمرك وحياتك وذكرياتك يبقى فعلا مش فارقة مش فارقة كتير

أرواحنا شموعا تحترق تنزف دموعا تنسكب أعمارنا تقفز مسرعة نحو النهاية متخطية كل الوقائع المريرة لقد وصلنا للحلقة الأخيرة

سلاما على من عاش ومات  سلاما على من مر هنا وفات سلاما على من ترك فى القلب الأنين سلاما على الآلام والذكريات سلاما منى إليك حتى الممات  سلاما إلى يوم اللقى .. وسلاما على مابقى وداعا أيها الراحل ..  وداعا مريرا مثقلا بالدموع  وداعا مؤلما مربكا .. وداعا لكل الهموم  سلاما عليك وعلى الراحلون  فأنتم السابقون ونحن اللاحقون

كل الناس تريد سماع الحقيقة ولكن قليل من يريد تصديقها ، كذلك يقولون .. ولكن الحقيقة مختبئة لن يستطيع الوصول إليها إلا من يستحقها... #سماح_صفوت #الحقيقة

افرح .. الفرح مش محتاج مواعيد افرح .. مهما الجرح يزيد افرح .. انت الفرحة وانت العيد انت نهار وفجر جديد انت أمل بكرة وشمس النهار انت الحرية اللى جاية بعد طول انتظار افرح .. وفرح كل الكون

أنا كل حاجة وعكسها  أنا أكتر واحد رايق وأكتر واحد مضايق أنا أكتر واحد تايه وأكتر واحد فايق عايش حياتى يوم بيوم شايل جوايا هموم بالكوم صمتى كلام .. وكلامى صمت بقول ساعات .. وساعات بعدى أنا معايا وعكسى ضدى أنا مع كلى .. وكلى ضدى أنا تحتى فوقى وشرقى غرب كل الحاجات لخبطتها .. أنا كل حاجة وعكسها

جمعى كل الحبايب  اللى فارق واللى غايب  واللى تايه واللى ناسى  واللى عاش عمره يقاسى  وحدى كل الصفوف  جمعى كل الحروف  جمعيهم على قلب واحد بكرة يبقى الكل واحد فدا اسمك متوحدين  ضد الطغاة والسلاطين  عشتى حرة فى كل عصر  بلد الحبايب .. بلدنا مصر 

ناس بمليون وش .. مافيش فى قلوبهم غير الخداع والغش غل وحقد وحسد  نفاق وكره متجسد 

إيه الحل ؟!! حرد عنك وأسألك نفس السؤال الجواب هو هو والشرح طال لما ييجي في بالي غنوة أو موال بحس بيكى وتوحشيني  ما انتي الوحيدة اللي شاغلة البال بحبك وصابر عليكي لو طال المطال  ومهما اتغيرت الأحوال .. قلبي زي ما هو  غريب الحال لسه فينا حيل نعافر لسه فيكى أمل أنا لسه عليكى صابر وحملي زي الجبل اللي منك تعب واشتكى  لكن عمره ق يوم ما مل لسه قادر ع الهوان والذل .. لسه بيحلم يوم بالعدل بس ردي عليا قوليلي ايه الحل ؟!! ايه الحل ؟!!

طريقي ... إلى أين يأخذني الطريق .. إلى نهاية أم إلى درب مسدود إلى أين ينتهي المطاف لحلم بعيد المنال .. للأماني والمحال أم سيوقظني على واقع مرير ... تملؤه المآسي والألام إلى أين يأخذني الطريق ؟!! طريق حزين بائس .. يُجرجرني ويهدم أحلامي يُسَرسِب سنيني .. ويسرق عمري وأيامي إلى أين يأخذني الطريق ؟!!! ليت الطريق ينتهي لأنتهي .. وتنتهي معه الحياة

تحيا مصر واللي منها  تحيا بأرضها ونيلها  تحيا بتاريخها وكل اللي عدى عليها  كل اللي أثر وساب علامة فيها  تحيا مصر التاريخ والحضارة  تحيا عيسى وموسى ويوسف وإدريس تحيا مصر اللي كانت للعلم منارة  يحيا الفرعون .. ويحيا الحاكم بالحق والعدل ومش حنسى الرئيس يحيا نجيب والانقلاب .. يحيا جمال والتأميم والسد والنكسة وحلم الوحدة الوطنية  يحيا السادات اللي جاب النصر واسترد الأرض رافع الراية المصرية .. يحيا الانفتاح وانتفاضة الحرامية يحيا مبارك صاحب أول ضربة جوية يحيا مبارك والمدام وأعضاء الحزب الوطني .. والنصابين والحرامية يحيا مرسى وأهله وعشيرته الإخوانجية يحيا السيسي رئيسي محارب الإرهاب اللي فض رابعة  ويحيا الجيش وتسلم الأيادي .. ومش حنسى المطبلاتية  يحيا الغلابة اللي عايشين تحت خط الفقر تحيا الطبقة الوسطى المطحونة .. ويحيا الناس المنسية ويحيا أصحاب الملايين اللي مش حاسيين  تحيا مصر بكل مافيها ... حلو مر وعايش فيها  ماليش غيرك أعيش أنا فيه ومافيش غيرك أموت فدا ليه  بقولك كلامي ياريت تسمعي...

I can't be good ... Life is unfair..  So hard to live ...  I can't be good , I'm not OK , I'm not fine  Wish to end this life ... can't take it anymore  

أنا ضل غريب .. أنا طيف ومعدي خيال ع الحيط   .. ف الشمس يبان  وف الليل سهران مستني النور .. ما هو حياته ،  والعتمة مماته

أتوه وأذوب وأغرق .. تتلاشى ملامحي   ..  تتفتت أجزائي .. لا يبقى مني شئ سوى الأسى أتناثر مع رياح الماضي، وتعصف بي أوجاعي .. تلهو بى ألامي وتطيح بكياني تزهق روحي في اليوم ألاف المرات قتلنى اليأس، خنقتني الحياة، تمكن الموت مني وتلاشيت انتهى كل شئ ... وانتهيت

فيك أذوب وأنذوي .. فيك أتوه وأنطوي .. فياريت كل العاشقين يعلموا أني من عشقك أرتوي

أطرق بابك يا الله .. وأنا لا حول لي ولا قوة ألوذ بالفرار إليك .. أتيك خاضعا .. أتيك خاشعاً .. منكس الرأس متذللاً أناجيك وأدعوك وأتوسل إليك أتوب عن ذنوبي وأستغفرك .. فاسمع دعائي ومناجاتي ..  فمالي سواك يا خالقي على بابك أقف .. أرجو رحمتك وعفوك   وأغترف من ثوابك وعطاياك   ولك ياربي أعترف لك أعترف بحبي وشوقي للقائك

امتزج فيك .. أمتزج وأذوب .. تذوب روحي   فروحي من روحك   وروحي بك امتزجت .. يا عشق العاشقين ويا ملهم المحبين   تهيم روحي بكلماتك وتتوه فأنت خالقي ولك العشق كله فأنت العشق كله ... تحيا النفوس بكلماتك وتموت شوقاً للقياك .. فيا إلهي أمتني كي ألقاك .. وألوذ برؤيتك في جنان الخلد أمتزج .. وأرتقي عن العالم الفاني

أمراض نفسية وعقلية  تخاطيف معششة فيك وفيا كراكيب متراكمة أوهام متلاحمة توهة ودوامة وزحمة جه دورك وحيجي الدور عليا حياتنا ملخبطة ومعقدة .. والحل مش بإيدك ولا بإديا

عورة علمونا أن المرأة عورة   .. أن المرأة كلها عورات وجهها،شكلها، صوتها، جسمها، تعليمها، كلامها، عملها، رأيها ...  عورة كل ما فيها عورة .. وجودها في الحياة عورة .. أي حركة تتخذها المرأة عورة كل قرار عورة .. أي سلوك تفعله المرأة عورة أى شئ يخص المرأة أصبح يندرج تحت مسمى عورة حتى صدقت المرأة أنها عورة كذبوا بأن حواء أخرجت أدم من الجنة !! فابتلعت المرأة الطعم وصدقت الكذبة وعاشت فى خجل من عارها، وكانت المرأة صاحبة الخطيئة الأولى ظلما !!!  دلسوا ودنسوا كل شئ .. ألصقوا بالمرأة العار جعلوها رمزاً للفساد والغواية !! لم يقرؤوا القرآن ولم يفقهوا كلام الله .. لم يفقهوا قول الله تعالى : ( فَوَسْوَسَ إِلَيْهِ الشَّيْطَانُ قَالَ يَا آدَمُ هَلْ أَدُلُّكَ عَلَىٰ شَجَرَةِ الْخُلْدِ وَمُلْكٍ لَّا يَبْلَىٰ ) أى أن الشيطان وسوس لأدم فعصى أدم ربه، والأية مفهومة لا تحتاج تفسير ولا توضيح للمعنى فالحقيقة واضحة كالشمس .. وربما فهموا الأية جيداً لكن قرروا إخراج نسخة مُحرفة من قصة الخطيئة الأولى .. قرروا تأليف قصة خاصة بهم تخدم أهوائهم وتم إلصاق القصة بحواء فتحم...

العدالة رأي قوي و قرار حاسم من رجل شجاع لكن للأسف ليس له وجود في حياتنا ... العدالة قرار وحزم واصرار ..

أتعبني الكلام وأتعبت الكلام مني ... لم يبق لدي ما أقول  فكل ما عندي كلام لا يقال .. مَللتُ وتَعِبتُ من الكلام

من أنت ؟ أنا كل الأشياء التى لا أريدها .. أنا سبب كل الأوجاع أنا وجع ..

أنا بير غويط مدفون في سابع أرض لو قولتلي على  سر أنا عمري ما أقوله لحد لا عمري ف يوم شكيت ولا لغيري فضفضت لو رميت فيا سرك مش حيسمع بيه حد أنا بير غويط منسي ومدفون في سابع أرض شايل أسرار وبلاوي ..  جوايا ألام وحكاوي .. ولا عمري شكيت ولا قولت سري لحد أنا بير مالوش قرار وسعتي مالهاش حد أنا بير عميق عمري ما ف يوم فضفضت .. احفظ سرك وأسمعلك وأصون كلامك  ما أنا بير غويط ومنسي دفنوني في سابع أرض