Samah Safwat

من ثورة 23 يوليو ولحد الأن .. ثورة ثورة وللأمام الثورة مستمرة ..  ثورة ثورة والسلام    ثورة ثورة والأمة حرة   ثورة ضد كل فاسد كل ظالم ..  ثورة ثورة   ثورة ضد أى نظام ضد كل حاكم ..  برضه ثورة   ضد الملك والمملكة ..  ضد النظام والديموقراطية   ضد الرئيس والجيش   وضد الحكومة العسكرية   ثورة ثورة للأمام  ..  ضد جمال وأنور ومبارك وضد السيسى  لسه الثورة مستمرة ثورة ثورة   هى هى ،، ثورة راحت وثورة جاية  همج وغوغاء ثايرة حايرة   فى الساقية دايرة شكرا لكل ثاير تايه وحاير ...  بيخرب ويشتم أهو دور وداير والثورة مستمرة  ثورة ثورة للأمام ثورة ثورة والسلام ومن ثورة لثورة يا قلبى لا تحزن

أنا مجنون ، وهمي وخيالى .. مش مبسوط م الوضع الحالي عايش منعزل وف حالي عايش في هدوء لكن العقل مش خالي أنا مجنون وهمي وخيالي .. عايش في عالم من نسج خيالى كاره للواقع ، متمرد على حالي .. أحلامي واقع ، والواقع غير حالي .. أنا مجنون وهمي وخيالي عايش في الوهم وحياتي تخاريف .. عايش في خيالي وباجي واقعكم تخاطيف أنا مجنون وهمي وخيالي عايش في عالم تانى عالم من صنع خيالى في واقع غير واقعكم .. واقع وهمي وخيالي في بُعد تاني معاكس للواقع الحالي أنا مجنون وهمي وخيالي عايش في واقع مليان تخاريف تخاريف من صنع خيالي عايش في عالم موازي وباجي واقعكم تخاطيف أنا مجنون وهمي وخيالي #مجنون_وهمي_وخيالي   #روح_وزعفران #سماح_صفوت