الفلوس مش كل حاجة (عن الحرية والعنصرية)

" الفلوس مش كل حاجة "

- " الفلوس مش كل حاجة "
من أقذر وأسوأ ماقيل ..
أكثر مقولة خاطئة وأكثر مستخدميها فقراء، سواء فقراء ماديا أو معنويا , فقراء فكر وعقل ومال ..
جملة فقيرة يرددها فقراء بكل ما تحمل الكلمة وتحتمل من معانى ...
كيف تكون "الفلوس مش كل حاجة"
بالعكس لابد أن أؤكد وبشدة أن
" الفلوس كل حاجة .. ولا غنى عنها أبداً "
الحياة كلها بفلوس , الزواج بفلوس , وكذلك استمرار الزواج , والولادة بفلوس , تربية الأبناء بفلوس , الصيف والشتا بفلوس , الأعياد بفلوس , الإحتياجات الأولية للإنسان بفلوس , الستر بفلوس والصحة كمان بفلوس , التعليم والمدارس والمصاريف والكتب والكراسات والأقلام وملابس المدرسة والدروس الخصوصية والكلية والكتب والكورسات .. كل ده بفلوس وبفلوس كتير قوى كمان .
المرض بيحتاج فلوس، والغير مقتدر بيطلب فلوس، والجمعيات الخيرية بتطلب تبرعات .. يعنى فلوس 
والعمل بيحتاج فلوس، لازم تاخد كورسات علشان تطور وتنمي من نفسك ومن مهاراتك الشخصية وكل ده بفلوس، ولما تشتغل بتحتاج فلوس لحد ما تقبض مرتبك اللي هو برضه فلوس .
والموت بفلوس .. الغسل والكفن، فتح القبر، العزاء كل ده محتاج فلوس .
فسواء الحياة أو الموت، الولادة والمرض جميعهم فى حاجة ل
" الفلوس " .. بعد كل ده يأتى مغفل ويكرر عبارة حقيرة مثل :
" الفلوس مش كل حاجة "
ربما لن تستطيع أن تشترى الصحة بالفلوس لكن ممكن تتعالج بيها أو على الأقل تشترى مسكنات.
وربما لا تستطيع شراء الجمال بالفلوس لكن ممكن تشترى مستحضرات تجميل أو تقوم بعمليات تجميل .
لن تستطيع أن تشترى راحة البال لكن بالفلوس سيكون لديك احساس بالأمان والإستقرار.
لن تستطيع شراء السعادة لكن على الأقل في خلال تعاستك وبؤسك وشقائك ستكون غنيا ..
يمكن وقتها تلاقي حاجة تسعدك
لن تستطيع شراء الأخلاق والمبادئ لكن تستطيع أن تذهب لطبيب نفسي يعالج عقدك الأخلاقية أو تشترى مراقب يتتبع خطواتك ويمنعك من أن تقع في الخطأ.
كله بيجي بالفلوس .. وكله بيمشى بالفلوس ..
وكل المشاكل والأزمات بتخلص بالفلوس
م الأخر كده كله بالفلوس ..
سيظهر الكثير من المنافقين مؤيدى المقولة الحقيرة .. لكنى لن أتخلى عن تحقيرها يوماً .
فتذكر دائماً أن :
" الفلوس كل حاجة .. الفلوس هى الحل ".
" الفلوس كل حاجة ولاغنى عنها أبداً ..
الفلوس هى الحل "
" كله بالفلوس " ...