ولا مؤاخذة

ولا مؤاخذة يعني ولو فيها إساءة أدب

ممكن أقوللكوا كلام قليل الأدب

طب ممكن أسب وأشتم وأقلل م الأدب
ولامؤاخذة يعني ولو فيها إساءة أدب
ممكن أتكلم من غير مقاطعة ولا قلة أدب

ولا مؤاخذة يعني ممكن أعبر عن نفسي شوية

ممكن يكون ليا مطلق الحرية

مش برضه كل واحد وليه شخصية

يعني ممكن يكون ليا تفكير خاص بيا

ممكن يبقى ليا خصوصية على حبة إستقلالية

طب ممكن نتفاهم بالعقل شوية

ولا انتوا عشان أغلبية

لا مؤاخذة يعني ولو فيها إساءة أدب

أنا فعلا عايزة أقول كلام قليل الأدب

واعتبروا إنه نوع جديد م الأدب

لا مؤاخذة يعني في الكلام

سيبوني أقول رأيي بسلام

ومن غير مقاطعة في الكلام

ما هو لو نفهم معنى الحرية كله حيبقى تمام

لا مؤاخذة يعني ولو فيها إساءة أدب

ما تاخدوش كلامي على إنه قلة أدب