ف عز النور ما بقتش بشوف
الليل بيعدي بخوف
وانا ليه قلبي ملهوف
لفراق وضياع وكسوف
وف عز النور مابقتش بشوف
بجري ورا حلمي بخوف
ورجعت ف عز كسوف
وازاي عايش ف خسوف
وف عز النور مابقتش بشوف
بجري ورا احلام بتعيش وتموت
تختفي وتفوت
ترحل ف سكوت
والعمر يفوت الحلم يموت
وف عز النور مابقتش بشوف
من كتر الخوف
قلبي ضاع حلمه بين شوق وكسوف
من كتر الخوف ما بقتش بشوف
واليوم بيعدي بسكوت وبخوف
ضاع مني العمر تاه مني الحلم
تاه بيا طريقي وضاع مني الشوف
وف عز النور مابقتش بشوف
تعليقات
إرسال تعليق