سرقة الفن والتراث المصري

أغاني وألحان كتير بتتسرق من مصر عيني عينك وبكل بجاحة..

⬅️ أغنية يالا بينا يالا
فلكلور مصري قديم غنتها شريفة فاضل بكزا نسخة وكزا تصوير باللحن والتوزيع الأصلي الشعبي المصري وغنتها داليدا بلحن أوروبي خلت أوروبا كلها تغنيها، وغناها محمد فؤاد بتوزيع وطريقة مختلفة، طلعت واحدة جزائرية تقول إنها أغنيتها ومحمد فؤاد سرقها منها.

⬅️ أغنية حمدالله على السلامة
من الفلكلور المصري غناها محمد فؤاد باللحن والتوزيع الأصلي الشعبي المصري.
غناها كتير اوي غيره مصريين وجنسيات تانية، وغناها راغب علامة وعمره ما قال انها فلكلور مصري.

⬅️ أغنية يا مصطفى يا مصطفى
اول أغنية فرانكواراب من الحان محمد فوزي عملها لداليدا وما غنتهاش بس غناها اخوها لما سافروا فرنسا.
غناها بوب عزام اللي اصله لبناني من غير ما يستأذن محمد فوزي وما اشتراش الأغنية ولحد النهاردة الكل بينسب الأغنية لبوب عزام مش محمد فوزي ولا برونو اخو داليدا.

⬅️ في برنامج لبناني المذيعة بكل جهل وبجاحة قالت لهاني شاكر ان اغنية كده برضه يا قمر مش اغنيته وازاي اغنية لبنانية توصل مصر وهو يغنيها من غير ما المطرب الأصلي صاحب الاغنية يعرف 🤭
رد عليها ان دي اغنية مصرية وهو المطرب الأصلي صاحب الأغنية وهي بكل سخافة فضلت مصممة ان صاحب الأغنية لبناني.

⬅️ أغنية اللي تعبنا سنين في هواه
اول واحدة غنتها هي فاتن فريد وغناها كتير غيرها منهم جورج وسوف بس الكل مصمم انها اغنية جورج وسوف وطبعا هو ما انكرش ده.

⬅️ الأردني سعد العبد اللات خد لحن أغنية يا اللي ساكنة العلالي اللي غناها أحمد جوهر وهي أصلا فلكلور مصري وطبعا الأردني ولا جاب سيرة ان اللحن المسروق ولا حتى قال مقتبس من الفلكلور المصري.

⬅️ أغنية يا دلع دلع أغنية شعبية مصرية مبنية على جملة شعبية مصرية غنتها فاطمة عيد، وصباح عملت عليها أغنية باللبناني وبنفس اللحن المصري وخدوها جملة كده ع الجاهز واعتبروها لبناني.

⬅️ الفلسطينية سرقوا أغنية مصر هي أمي اللي غناها فؤاد المهندس وغنتها عفاف راضي وخلوها حيفا هي امي وعملينها تراث.
وبرضوا سرقوا أغنية أبويا وصاني وبدلوا الكلام ل ما اخلي جنس دخيل يخش اقصانا مع انهم كلهم عايشين برا فلسطين 🤔
بس الوطنية بتنقح عليهم وهما بيسرقوا الأغاني الوطنية المصرية.

⬅️ الفلكلور والتراث والفن المصري مستباح من الكل والكل بيمد إيده ويسرق ببجاحة من غير ما يقولوا ده مصري أو مقتبس من الفن المصري، وبيطلعوا يستنطعوا ويألفوا قصص إن ده فنهم وتراثهم؟!!

⬅️ الأتراك أغانيهم القديمة كلها ألحان مصرية وبيسموها أرابيسك وطبعا مش بيجيبوا سيرة مصر.

⬅️ أي أغنية مصرية غناها مطرب مش مصري بينسبوها لبلد المطرب مش لمصر 🤔

⬅️ كل جيران الهنا سارقين الألات الموسيقية المصرية وكل واحد بينسب حاجة لنفسه.
غير تزوير أصول الفنانين المصريين ونسبهم لأصول تانية..

تعليقات

المشاركات الشائعة من هذه المدونة

ن والقلم وما يسطرون ... تأملات قرآنية

العنف الالكتروني

هوس بالمرأة