أنا ضد ومع ..
ضد ومع أنا
أنا مش إنسان .. أصبحت حطام
فتافيت أفكار مش متجمعة
أنا ضد ومع ...
أفكار تايهة مش متجمعة
أنا ضد ومع
أنا مش وطنية وده مش حرية
ده غصب وكراهية
عايزة الحرية ... الإستقلال عن العبودية
حرية فكر وديموقراطية
أنا ضد ومع
جواية سلبية مش لاقية إيجاب
ومعايا سؤال مش لاقي جواب
أنا ضد ومع ...
محتاجة إعارة لبلد عربية .. عايشة في سلبية
علشان تبيع وتشتري فيا
لكن لما أرجع حكون إيجابية
واعمل مشروع .. جمعية خيرية
مش إنسانية .. لكن إستغلال
ما أنا مش طبيعية !!
أنا ضد ومع ..
أنا ضد ومع
أفكار تايهة مش متجمعة
أنا ضد القهر والنمطية .. ضد الجهل والغوغائية
ضد العادات
والتقاليد القبلية .. ضد الأعراف المُجتمعية
ضد الخضوع وسلب الحرية
ضد المجازر الشعبية .. ضد الإبادات العرقية
ضد الخضوع والسلبية
ضد العنف والإستغلال والسخرية
ضد مجتمعات الجاهلية ... ضد العنصرية
أنا ضد ومع ...
أنا ضد ومع
أنا مع الحق مع الحرية
حرية الرأي والوطنية ... مع الإيجابية
مع الرحمة والإنسانية
أنا ضد ومع
فتافيت إنسان .. جواه أحلام ضايعة ومُقمعة
أنا ضد ومع
أنا مش إنسان .. أصبحت حطام
فتافيت أفكار مش متجمعة
أنا ضد ومع ... 
تعليقات
إرسال تعليق