التطبيع مع التحرش

التطبيع مع التحرش

اللي حصل علي مدار عدة عقود هو حالة من التطبيع مع التحرش 

بما إن المرأة بالنسبة لهم هي مصرف لرغبات الرجل ودورها تكون أداة جنسية للمتعة وتفريغ الشهوة، وتهتم بشؤون البيت كخادمة بدون أجر، والأخيرة مش مهمة زي الأولى. 

وده يفسرلك ليه الناس بتقول للبنت اللي بتمسك متحرش حرام تضيعي مستقبله ( علي غلطة بسيطة )

ويشرحلك برضه ليه نفس الناس بتهيج لو شافوا كودها الأخلاقي مختلف عنهم وستايل لبسها غيرهم.. 

لان ده معناه خروجها على سننهم والإطار اللي حطوها فيه حتي لو فعلا ماعملتش حاجة غلط وحتي لو بتصلي وتصوم وتعمل خير ولسانها عفيف مش مهم.

الناس بقى عندها تطبيع مع كل أنواع التحرش وشايفين إنه حاجة عادية بتحصل كل يوم مالكوا كده بقى خلقكوا ضيق وبتصيحوا على أي حاجة 😏

ايه يعني بحلق فيكي ولا قالك كلمة قبيحة ولا لمس جسمك ولا حط إيده على العورة..

مش مشكلة ما تشوفي نفسك لابسة ايه وشكلك ايه وحاطة ميكب وخارجة عن الدين وايه اللي وداكي هناك وليه راكبة أتوبيس عمومي وانتي باين عليكي بتشتغلي ومعاكي فلوس وايه اللي يخليكي تخرجي من البيت أصلا 🤔🤔

الجمهور الغفير من الغوغاء داعمي التحرش اعتبروا التحرش غلطة بسيطة واسكتي بتتكلمي ليه، وغمضوا عيونهم عن الجريمة ولاموا الضحية واتقلب الموضوع لتنمر جماعي وسب وقذف وخوض في أعراض..

والقانون نايم ننة ولا يبالي...