تفسير التحرش
التحرش ينبع عن سلوك نفسي وعقلي..
والتحرش بشكل عام هو شهوة، لكن هناك حالات لا يكون التحرش نابع عن شهوة وانما عن محاولة لإظهار القوة وفرض السيطرة والإذلال.
هو صورة من صور العنف الجنسي والعنف القائم على النوع، لأن المتحرش مش بيطفي شهوة ولا بينساق ورا رغبة، المتحرش هنا عنده تشوه جنسي وبينساق ورا رغبة جواه وأحيانا كتيرة بيكون عنده ضعف ف الأساس وعلشان يداري الضعف والعجز اللي عنده بيتحرش ويدعي إن شهوته قوية.
دعم التحرش
التحرش سلوك منحرف، وبيتم دعم التحرش عن طريق خلط المفاهيم واقحام الدين في غير موضعه.
و الأسوأ إن السكوت عن جريمة التحرش بيدعم الجاني ويقويه وبيسمح بزيادة عدد المجرمين المتحرشين.
التحيز الجمعي
من أسباب انتشار التحرش هو التحيز الجمعي اللي بيحصل ف موقع الجريمة، وجموع الشهود يطلعوا مبررات للمتحرش ويلوموا الضحية ويجيبوا الغلط عليها.
التحيز الجمعي بياخد الموقف من جريمة تحرش لجريمة تنمر جماعي وعنف لفظي بالضحية.
والحقيقة إن كل واحد وقف مع الجاني ودافع عنه عنده انغلاق فكري ومفاهيم مغلوطة واضطرابات نفسية محتاجة علاج.
تعليقات
إرسال تعليق