ايه شكل المعَنِّف؟

🔴 ايه شكل ومواصفات المُعنف؟ 

⭕️ المعنف مالهوش شكل أو  مواصفات خاصة، أي حد ممكن يبقى معنِّف. 

⭕️ مش شرط يكون شكله بلطجى أو بيخوف، المعنف مش شرط يكون فاشل أو غير متعلم. 

⭕️ المعنِّف هو شخص مريض نرجسي، وفى أغلب الأحيان بيكون شخص ليه سلطة أو سيطرة على الضحية، وبيكون معروف ليه أو من المقربين ليه. 

⭕️ ممكن يكون شريك حياة، قريب، أو حد من العيلة.

⭕️ المُعنف؛ بيعتقد إنه له الحق في التحكم في حياة ضحيته. وده بيحصل كتير لأنه شايف إن مشاعره واحتياجاته لازم تكون أهم حاجة في العلاقة، أو لأنه بيستمتع بالقوة اللي العنف بيديها له.

⭕️ ارجوكم ما تصدقوش إن المعنِّف ممكن يتغير، مهما حلف، مهما بكى، مهما توسل...

اللي بيعنّف مرة، هيفضل معنِّف دايمًا.

⭕️ علشان كده لو حد بيتعرض للعنف فى أي علاقة، من الأفضل انهاء العلاقة علشان اللى بيبتدى بزقة ممكن ينتهى بجريمة قتل!