عمل المرأة
عمل المرأة من الموضوعات الشائكة اللي بتؤرق المجتمع وتشغل تفكير الذكور وتخليهم يصيحوا ليل نهار.
الذكور في العموم مش ضد عمل المرأة لا هما بس ضد راحة المرأة!!
⬅️ ليه تشتغلي شغلانة محترمة بلقب محترم ومرتب كويس ويبقى اسمك الأستاذة أو الدكتورة أو المهندسة او مدام كزا.. وازاي مرتبك تحيله منه احتيتجاتك ورفاهياتك
ده عيب وحرام يا بيه 🤔
انما عمل شاق مهين بمرتب زهيد دي بالنسبة لهم بت أصول وأصيلة وبتجري ورا أكل عيشها!
وفي أي نقاش عن حقوق وحرية المرأة الذكر الجربوعي يقول مطلوب ست تشيل شكاير اسمنت وتتطلع ليها الدور السابع 🤔
ليه رابط حقوق المرأة بالمعاناة والشقاء وإنها لازم تبذل مجهود بدني جبار حتى الرجالة مش بيبذلوه.. بدليل ان مش كل الرجالة بيشتغلوا بالفاعل مش كلهم شغالين في البناء وشيل الأسمنت والطوب.
في مجتمعنا الذكر الجربوعي بيقلل من أي ست في منصب محترم وبيغلط في أبوها وأخوها وجوزها ويصفهم بتلدياثة..
ليه لأن ست اتعلمت واتكرمت واتعززت وكافحت ووصلت لمنصب عالي ومكانة مرموقة وكمان معاها فلوس وكمان أهلها الستلت والرجالة بيدعموها ويساندوها ويشجعوها.
لكن مش بنسمع صياحه لما يشوف ذكور انطاع زيه زوجاتهم شغالين في البيوت عند الناس وبيخدموا وكرامتهم بتتهان من الحوجة وصحتهم بتضيع من الشقت في حين الذكور الأنطاع قاعدين مستنين الستات الشقيانة ترجع علشان ياخدوا منهم المرتب كله ويصرفوه على كيفهم.. ويا تديله الفلوس كلها يا اما يرميها بالعيال ف الشارع
⬅️ الذكور اهم حاجة عندهم الست تبقى شقيانة وطالع عينها سواء ف البيت او ف شغلانة مهينة..
في مجتمعنا الذكوري البائس الجميل ده لو الست ما اتنازلتش ورضت بالقليل واتذلت ها تبقي مش أصيلة ولا بنت أصول
بينما الست اللي ليها قيمة ومكانة دي ماشية على حل شعرها 😀
والصورة مقرفة مش جميلة ولا حاجة
تعليقات
إرسال تعليق