القديس فالانتينو
Happy Valentine's Day ❤
لكن مين هو Valentine وإيه قصته❗
القديس فالانتاين ( فالانتينو) - Valentinus باللاتينية ..
هو قديس رومانى عاش فى القرن الثالث الميلادى، وُلد 226 م .. مشهور بعيد الفالنتاين أو عيد الحب او عيد العشاق، لكن المعنى الحقيقى هو عيد الأسرة أو عيد الحب الأسرة أو عيد الزواج ...
يعنى للمتجوزين م الأخر مش العيال المتصاحبة !!
والأهم من كل ده إن الكاهن فالنتينوس ما كانش زانى ولا بيشجع على الزنا ....
👈 للأسف القصص المتداولة مش ثابتة عن هذا القديس حتى الآن قصته بتختلف من منطقة للتانية وكل شوية حد بيغير فيها على مزاجه ...
لكن القصة الأقرب لواقع وتاريخ الإمبراطورية الرومانية بأن فالانتاين كان كاهن مسيحى وكان يزوج الجنود المسيحيين سرا ..
طول الوقت تقريبا فى الإمبراطورية الرومانية كانت فترة التجنيد بتتمد من 5 ل 25 سنة كل واحد وحظه بقى، ومش بس كده ده كان ممنوع الزواج طول فترة التجنيد.
علشان كده كان القديس فالانتين بيقابل الجنود كل واحد وخطيبته فى السر وكان بيجوزهم جواز شرعى ...
لكن ده كان مخالف لقوانين الإمبراطورية الرومانية، وبسبب ده اعتقلته السلطات الرومانية وحكمت عليه بالإعدام...
وتم إعدامه بقطع رقبته فى يوم 14 فبراير 269 م.
وسواء كان الاحتفال بعيد الحب حلال أو حرام، فالمؤكد أن الكذب حرام واختلاق القصص الكاذبة حرام واتهام الغير بالزنا حرام.
◾ اللوحة بعنوان "San Valentino Sacerdote" للرسام Antonio Arrigoni عام 1707 م .
#فالانتين #Valentine #Valentinus
#سماح_صفوت
تعليقات
إرسال تعليق